بتذكر كنت عايشة معه أحلى قصة حب؛ هدايا، اهتمام، كلام حلو، غير إنه حلو كثير وكل البنات حاسديني عليه – نابلس نيوز Nablus News
M5znUpload M5znUpload

بتذكر كنت عايشة معه أحلى قصة حب؛ هدايا، اهتمام، كلام حلو، غير إنه حلو كثير وكل البنات حاسديني عليه

بتذكر كنت عايشة معه أحلى قصة حب؛ هدايا، اهتمام، كلام حلو، غير إنه حلو كثير وكل البنات حاسديني عليه

نابلس الاخباري – اقلام واراء – قصص

وآخيرا اجى اليوم اللي بستنى في من سنين

اليوم عرسي انا وأحمد

الشب الي حبيته ٥ سنين ، وهو حبني …

بتذكر كنت عايشة معه أحلى قصة حب؛ هدايا، اهتمام، كلام حلو، غير إنه حلو كثير وكل البنات حاسديني علي .

بتذكر تفاصيل حلوة كثيرة بينا، مثل لما اجى وحكالي بدي اخطبك؟

ليلتها ما نمت من الفرحة، حسيت انه الكون كله مش واسعني؛ واخيرا رح نخطب انا واحمد

خطبنا ….

اول الخطوبة كلام حلو، باقات ورد؛ هدايا وشوكلاتة؛ شعور انه ما في لزوم اخبي عن اهلي لاحكي معه، يجي عنا، كنت طايرة من الفرح، بس بعض تصرفاتي خلتني احس قلبي مقبوض !

وانه في شغلة مش مزبوطة بتصير ….

احمد فجأة تغير، صار يدقر على كل شي، صار يعمل مشكلة من ولا شي، طريقة كلامه تغيرت، من حبيبتي وروحي …

ل آوامر ونهي بس….

اعملي هيك …

لا تعملي هيك ….

وانا مش منتبهة عحالي، انا بفقد كل اللي حوالي شوي شوي!

ابتداءا من قرايب امي الي مانعني اطلع عندهم لإنه في شباب كبار !

وانتهاء بأعز صديقة عندي !

تصرفاته كانت تعجبني، حبيبي شو حمش

بغار علي كثير ، وبدو يحميني …..

بس موقف صار قدامي قبل العرس بيوم خلاني اتغير….

كنا يومها انا وهو بمطعم، طلبنا الأكل اختار عني وعنه!

قلتله لي ما خليتني اختار ..

اطلع فيي نظرة جدية وحكالي انا بحب اتحكم بكل شي بحياتك….

انا ضحكت ….

ورحت الحمام … ازبط مكياجي …

هناك لقيت بنت بتحكي عالتلفون وبتعيط، وبتحكي خلص بطلت اتحمله، شكاك بكل شي، مش مخلي شي ما بتدخل في، مثل ما بحكيلك يما انا انهارت، كل شي بحياتي اسود؛ يا ريت ما تزوجته، وسكرت التلفون وصارت تعيط …

الفضول خلاني احكيلها تقليدي ولا حب !

اطلعت في وحكتلي ايش؟

قلتلها انتي تزوجتي عن حب او تقليدي …

كانت الدمعة بتنزل من عيونها، وندم كبير، عن حب عن حب!

طيب وما قدرتي تكتشفي هالشغلات السيئة في قبلها …

حكتها كلمة وضربت على قلبي!

كنت هبلة، بفكره بغار، كنت لما يحكيلي اعملي افكره بهتم!

مكنتش فاهمة انها انانية وعبودية وبس …

طلعت من الحمام، وانا مصدومة، والمواقف مع احمد كلها بتدور براسي، من لما حبينا بعض ، لحد ما خطبنا!

دواااامة…

شك وغيرة واستهتار، مرض نفسي، حب السيطرة، التملك، الكلام البذيئ، ووصلت لاخر كلمة! ” عدم الاحترام ”

قعدت جنبه، كان واضح على وجهي اني بكيانة، بس ما سأل شو مالي …

قلي كلي علينا مليون شغلة …

نزلت دمعة من عيني …

هو اطلع فيي وكمل أكل…

خلصنا وروحنا، انا بالبيت كان في اختي وزوجها، كانت اختي بتبكي لانه مش زابط تحمل!

وبتحكي لاخوي اذا اجا ساري احكيلي عشان ما اعيط قدامه!

لانه بنجن لما يشوفني هيك …

انا دخلت فكرتني هو عطول ابتسمت وعملت انها بتضحك …

لما شافتني رجعت تبكي …

شو في يختي؟

قالتلي طلعت مش حامل …

يعني زوجك رح يعصب ؟

ضحكت وقالت يا ريت، هو كثير منيح، لدرجة بيضحك كل مرة بطلعمش حامل، وبجبلي هدية، وبحكيلي كله ولا تنزل دمعة منك ! اعملي شي حلو بحياتك هلئ ! قبل الواء والويء

يختي انتو تزوجتو عن حب صح!

اه صح …

طيب كيف هيك ما انخدعتي في … وضل نفس ما هو ..

هو اختي فتحت تمها شو!

يعني ما تغير بعد الخطبة …

قالتلي انتي بتعرفي قبل ساري كنت احب ابن خالتك، وشفتي المشاكل الي كانت تصير، وكيف انهيت معه لانه بطلت اتحمل …

حبيت ساري بعقلي، ما كنت اتغاضى عن عيوبه، ومفتحة عيوني لتصرفاته، هو بخاف الله، لهيك منيح معي …

بلشت عياط وقلتلها انا الي كنت مغمضة كل هالفترة، معمي عقلبي؛ وعم بتحمل كل شي منه، انا غبية كثير، يا ريت لو انهي كل شي ! بس فات الآوان …

حكتلي لسا!

وقفت وقلتلها معك حق؟ اتصلت على بابا وحكتله تعال …

قعدت معه ومع ماما وقلتلهم ما بدي العرس بكرا!

نعمممممم شووووو بدك تفضحينا ….

يما بدك ارجعلك مطلقة بعد اسبوع!

ليششش ما كنتي بتحبي …. وطايرة في ….

ايوا ايوا طايرة في ومعمية عن كل عيوبه، وبفسر تصرفاته الغلط انها منيحة …

بالفعل ما تم العرس، وكل الناس ما خلو كلام ما حكو عني، احمد يتصل يسب ويهدد ومش فاهم اشي

رجعولي المصاري كلهن!

وانا قاعدة بغرفتي وشاعرة بسكون وراحة مش طبيعية!

يااااا شو صرلي ما حسيت بهالشي!

الآمان لما حضني ابوي وقلي انتي بتضلي بنتي، وانا رح ضل داعمك بكل شي صح …

نمت يومها وهو حاضني ….

وصحيت بحكي الشغلة مش حب وتقليدي !

الشغلة اعمق من هيك بكثير …

هي الفكرة بالحب بنعمي قلبنا، وبنبطل نشوف سلبياته، وبالتقليدي بنكون مفتحين لكل شي!بس هيها اختي حبت وزبطت معها لانه كانت مفتحة عتصرفاته ، وهو كان حدا صريح وواضح

بالشغلات السلبية الي في ….

لما بددك تفوني بأي علاقة، حب، خطبة، زواج ، لا تفسري التصرفات السيئة في انها حب واهتمام …

كوني صريحة مع حالك، الغيرة بتختلف عن الشك …

الاهتمام بيختلف عن لغي شخصيتك والسيطرة …

العتاب بيختلف عن عدم احترامه الك …

في شعرة … شعرة بين الحب الصح والغلط انت ماسكتيها!

#هديل_قاسم

التعليقات مغلقة، ولكن تركبكس وبينغبكس مفتوحة.